Thursday, July 19, 2018

Hmmm! Patingin ako ng listahan at ng simulan ko nang tapusin ang mga yan!

Ipinakita ni Dominic ang listahan at itinuro ang isang itim na lumiliwanag na orb. "Ito ang mga negatibong enerhiya. Sila ay sumasapi sa katawan ng isang tao na may taglay na kasamaan sa kanilang pagkatao. Ang mga taong sinasapian nito ay yung mga taong kontrolado na ng negatibong mga gawain at pagiisip. Ang mga negatibong enerhiya ay kailangang sumapi sa katawan ng tao para makapaghasik ng lagim at sirain ang kalikasan ng mundo."

"Kung wala silang sasapian ay hindi sila magagalaw sa mundong ito. Di sila makakasapi sa mga taong tagapagtanggol ng kalikasan at punong puno ng pasitibong enerhiya. Kapag magawa mong talunin ang isang taong sinapian ng negatibong enerhiya, ito ay lalabas sa kanilang katawan at magiging neutral."

Itinuro ni Dominic ang kulay gray na orb na isang neutral na enerhiya. "Ang neutral na enerhiya ay sasapi sa iyo at sa pagbalik mo dito sa kweba ay magagamit mo sa pag-unlock ng mga basic na armas gaya ng mga punyal na ito."

"Ang mga taong napalaya mo sa negatibong enerhiya ay makababalik sa kanilang normal na buhay. Pero dahil wala na ang negatibong enerhiya sa kanilang katawan ay mas maliliwanagan sila sa pasitibong pamumuhay."

Itinuro ni Dominic ang mas malaking itim na orb. "Ito naman ay ang kapitan ng kasamaan. Sila ay sumasapi sa mas malalakas at mas matatalinong tao na may taglay na masasamang plano sa kalikasan, gahaman at tagasira ng pasitibong enerhiya ng isang tao. Ang katumbas naman nito ay mas malaking neutral orb na kapag isama mo sa tatlong armas na makukuha mo ay makapaga-unlock ng mas mataas na uri ng mga armas na iyon."

"Sila naman ay mas mahirap talunin kaysa sa maliit na negatibong enerhiya. Ang mga tagapag-hasik naman ng lagim na ipinadala ng ibang universe ay wala pa akong detalye sa mga iyon. Yan ang misyon mo dito. talunin sila at iligtas ang Mundo. Ang reward ay para sa kaligtasan ng mundo. Makakausad tayo sa pagligtas ng mundo sa pagtalo mo sa mga tagapag-hasik ng lagim."

No comments:

Post a Comment

Manatiling nakatago sa puno

Hinagisan ka ng granada ng isang assistant ni Marvin at ito ay sumabog. Lumiwanag ang iyong paningin at nakita si Inang Acacia. "Bigo k...