Magteleport sa Magic Tree at gamitin ang punyal sa tatlong assistant

Nagteleport ka sa puno at nagulat ang tatlong assistant papaulanan ka na sana ng bala ng mga ito pero ang iyong Nature Sense ay higit pa sa bilis ng mga kamay nito para iputok ang baril. Agad kang tumakbo sa pinakamalapit na assistant at itinarak mo kagad ang punyal sa itim na orb na kumokontrol dito at mabilis mo itong hinugot.

Nang ipuputok na sa iyo ng pangalawa at pangatlong assistant ang kanilang mga baril, agad kang pumunta sa bandang harapan na nakayuko sa mga ito. Hinawakan mo ang kamay na may hawak na baril sa kaliwang assistant para mapigil ang pagputok ng baril at agad na tinarak ang iyong punyal sa itim na orb nito sabay hugot ng mabilis.

Ihahampas na sa iyo ng nasa kanang assistant ang kanyang baril pero agad mo itong siniko at tumilapon ang hawak nitong baril. Hinawakan mo ang huling assistant sa kanyang kanan na kamay at ibinuka ang dibdib nito kung saan naroon ang itim na orb. Itinarak mo ang punyal sa itim na orb at biglang hugot.

Nawalan ng malay ang tatlong assistant at nawala na ang mga itim na orb sa mga ito. Naramdaman mo bigla ang napakaagresibong tibok ng puso ng kanilang kapitan na si Marvin at nakatutok na pala ang baril nito sa iyo.

Gamitan ng pisikal na lakas si Marvin

Gamitan ng punyal si Marvin

Gamitan ng arnis si Marvin